NPF Implementation Roadmap – Click to enlarge
Circular FPS 05-2018 – Urban Renegeration and Development Fund – Call for Proposals
Circular FPS 04-2018 – Implementation Roadmap for the National Planning Framework
Circular FPS 06-2018 – The National Planning Framework
URDF Advertisement – Click to enlarge
Mar chuid de Éire 2040 – An Tionscadal, tá an Rialtas tar éis bunú Ciste nua um Athghiniúint agus Forbairt Uirbeacha (CAFU) a fhógairt, chun tacú go príomha le fás fuinte agus forbairt inbhuanaithe na gcúig chathair agus na lárionad uirbeach mór eile in Éirinn.
Is í an Roinn Tithíochta, Pleanála agus Rialtais Áitiúil atá freagrach as an gCiste a chur i bhfeidhm, ag a bhfuil €2 bhilliún ón bPlean Forbartha Náisiúnta go dtí an bhliain 2027, go príomha chun tacú le fás fuinte agus forbairt inbhuanaithe na gcúig chathair agus na lárionad uirbeach mór eile in Éirinn.
I gcomhréir le cuspóirí an Chreata Náisiúnta Pleanála, tá an Ciste ceaptha chun sciar níos mó d’fhorbairt chónaithe agus tráchtála a chur chun cinn, agus tacaíocht aici ó bhonneagar, seirbhísí agus áiseanna, laistigh de ‘lorg’ reatha tógtha ár n-áiteanna lonnaíochta níos mó.
Appropriate Assessment Conclusion
Post-Consultation Natura Impact Statement
Appropriate Assessment Determination
Ráiteas MST (Cliceáil chun féachaint ar an bhfoilseachán)
De réir mar a cheanglaítear faoin reachtaíocht AE, thug an Rialtas faoi roinnt measúnuithe timpeallachta ar an dréacht-Chreat Náisiúnta Pleanála. Áirítear leo sin Measúnacht Straitéiseach Timpeallachta (MST), Measúnú Oiriúnachta maidir leis an Treoir maidir le Gnáthóga ón AE, agus Meastóireacht Straitéiseach maidir le Riosca Tuilte.
Tugadh aird ar na measúnuithe seo agus doiciméad an Chreata á thabhairt chun críche agus tá an doiciméad i gcomhréir le ceanglais Threoir 2001/42/CE maidir le héifeachtaí pleananna agus clár áirithe ar an gcomhshaol a mheasúnú (Treoir MST) mar a cuireadh i bhfeidhm in Éirinn le Rialacháin na gComhphobal Eorpach (Measúnacht Timpeallachta ar Phleananna Áirithe agus ar Chláir Áirithe) (I.R. Uimh 435 de 2004), arna leasú, agus leis na Rialacháin um Pleanáil agus Forbairt (Measúnacht Straitéiseach Timpeallachta) 2004 (I.R. Uimh. 436 de 2004), arna leasú.
Arna eisiúint ag Oifig Preasa an Rialtais
Éire 2040 – An Tionscadal – An Creat Náisiúnta Pleanála (Cliceáil le hamharc)
Sheol an Taoiseach Leo Varadkar agus an Rialtas plean €116bn inniu chun Éire a athshamhlú agus ullmhú don todhchaí tar éis cruinniú speisialta Comh-aireachta in Institiúid Teicneolaíochta Shligigh.
Os comhair lucht féachana de mhic léinn an choláiste, nocht an Chomh-aireacht Éire 2040 – An Tionscadal a bhfuil sé mar aidhm leis Éire na todhchaí a thógáil, agus ullmhú do shochaí sa todhchaí ina mbeidh milliún duine breise, agus 660,000 duine breise ag obair.
Sa taighde ón ESRI, a foilsíodh inniu, cuirtear ar fáil réamh-mheastacháin do réigiúin agus contaetha na hÉireann go dtí an bhliain 2040, fiosraítear cad a bheidh i ndán má leantar leis na patrúin phleanála spásúla reatha (ar a dtugtar an cur chuige Gnó Mar is Gnách), agus cad a tharlóidh faoi raon eile cásanna. Faoi na cásanna eile, rinneadh machnamh ar dháileadh réigiúnach leathan an daonra, post agus fás fostaíochta. Baineadh úsáid as an taighde agus an samhaltú, a rinne an ESRI mar chuid den tionscadal taighde seo, chun bonn eolais a chur faoi straitéis fáis an Chreata Pleanála Náisiúnta. Úsáideadh an cur chuige Gnó Mar is Gnách mar bhonnlíne ónar forbraíodh cásanna eile na todhchaí. Rinneadh staidéar ar an gcás is fearr uaidh sin, agus cuireadh i bhfeidhm sa Chreat Pleanála Náisiúnta é.
Níltear ag glacadh níos mó le hAighneachtaí faoi Éire 2040 – Ár bPlean, an Dréacht-Chreat Náisiúnta Pleanála. Ba é an spriocdháta chun aighneachtaí a fháil ná 12 meán lae, Dé hAoine, 10 Samhain 2017.
Tá síneadh curtha leis an spriocdháta i gcomhair aighneachtaí go dtí 12 meán lae Dé hAoine, 10 Samhain 2017. Caith súil ar an leathanach Roinn do chuid tuairimí linn chun sonraí a fháil faoin gcaoi le d’aighneacht a dhéanamh.
Bhronn an tAire Simon Coveney duaiseanna inniu ar bhuaiteoirí an Chomórtais Náisiúnta Póstaer faoi ‘Éire 2040 – Ár bPlean’ leis na Scoileanna Glasa ag Searmanas Bronnta Gradam i dTeach an Chustaim, Baile Átha Cliath.
Tharraing níos mó ná 3,000 scoláire ó 255 scoil ó gach contae in Éirinn póstaer chun a gcuid tuairimí a chur in iúl maidir leis an gcuma ar mhaith leo a bheadh ar Éirinn sa todhchaí. Thug an comórtas ardán do leanaí agus do dhaoine óga chun páirt a ghlacadh sa chéim comhairliúcháin d’fhorbairt Éire 2040 – Ár bPlean (An Creat Náisiúnta Pleanála).
Fógróidh an tAire Coveney buaiteoirí an chomórtais póstaer faoi Éire 2040 leis na Scoileanna Glasa a bhí ar siúl le déanaí ar an 3 Bealtaine agus buailfidh sé leo chomh maith, ach idir an dá linn ba chóir duit súil a chaitheamh ar na hiarratais iontacha a fuaireamar. Gabhaimid buíochas le gach duine agus gach scoil a chuir iarratas chugainn agus le gach múinteoir a chabhraigh leis na hiarratais seo.
Chun tuilleadh a fháil amach faoin gcomórtas téigh chuig an leathanach Scoileanna.
Agus é i láthair i Scoil na hAiltireachta, Ollscoil Luimnigh, inniu (Dé Máirt, 14 Márta) lorg an tAire Tithíochta, Pleanála agus Rialtais Áitiúil, Simon Coveney, tuairimí maidir le hullmhú an chreata um pleanáil agus forbairt straitéiseach d’Éirinn idir seo agus 2040.
Tá síneadh curtha leis an spriocdháta i gcomhair aighneachtaí go dtí 12 meán lae Dé hAoine, 31 Márta. Caith súil ar an leathanach Roinn do chuid tuairimí linn chun sonraí a fháil faoin gcaoi le d’aighneacht a dhéanamh.
Ba iad an Taoiseach Enda Kenny in éineacht leis an Aire Tithíochta, Pleanála agus Rialtais Áitiúil Simon Coveney agus an tAire Stáit Damien English a sheol an chéim chomhairliúcháin le haghaidh ‘Éire 2040 – Ár bPlean’ ag Ollscoil Mhá Nuad Déardaoin, 2 Feabhra 2017.
